Zesar Arrondo, La Platako pertsonalitate nabaria

Zesar Arrondo (Laprida, 1955) gure lankideak La Platako Udaletik Pertsonalitate Nabariaren Errekonozimendua jaso du apirilaren 20an Argentinako hirian. Aldarrikapenean zera azaldu dute: “La Platako Unibertsitateko historialari eta irakasle erretiratu gisa egindako lanagatik, gure komunitatearen mesederako dibulgazio historikoari eta kulturari egindako ekarpenengatik”.

Arrondo irakasleak, euskal diasporako kideak, zubi lan garrantzitsua egin du Atlantikoaren bi aldeetako euskaldunen artean. Izan ere, Argentinako Euskal Federazioko zuzendaritzako kidea izan zen. Urte askotan, gainera, Guregandik aldizkariaren urteroko argitalpena bultzatu zuen, eta Argentinako euskal presentziaren hainbat alderdi zabaldu ditu hitzaldi ugaritan. La Platako Unibertsitateko Kazetaritza Fakultateko Historia Argentinar Garaikideko irakasle albokoa, hizlaria eta idazlea izan da César Arrondo. UNLPko ikertzaile kategorizatua. UNLPko Zientzia Juridiko eta Sozialen Fakultateko Estaturik Gabeko Nazioen Behatokiko (ONSE) kidea, Euskal Herriko Saileko koordinatzailea. Era berean, UCRko Historialarien Foro Nazionaleko kidea da. Euskal Herriari dagokionez, Arrondo irakasleak, aipatutako Guregandik argitalpenaz gain, honako lan hauek argitaratu ditu: Chascomuseko Euskal Etxea, Primera Época (1952-1960) (2012), Los vascos de Gándara (2014), Vascos en Laprida (2014), Hojas de formación (2015)… 2006an “Erbestea eta Unibertsitatea (1936-1955)” egin genuen batzarrean parte hartu zuen, eta Luis Jiménez de Asúa erbesteratuari buruzko lan interesgarria aurkeztu zuen. Hamaika Bide Elkarteak bat egin nahi du gure lankidea jasotzen ari den errekonozimenduarekin. Zorionak, Zesar!

Arrondo irakaslea ekimenaren une batean.

Tags: destacadas